የብሪክስ ጥምረት ከገንዘብና ከደኅንነት ጉዳዮች ባሻገር፣ አሁን ላይ የሕዝብ ለሕዝብ ግንኙነትን አዲሱ "ለስላሳ ኃይል" (Soft Power) አድርጎታል እየተባለለት ነው።

ባህልና ዲፕሎማሲ በጥምረቱ አገራት መካከል እንደ አንድ የግንኙነት ማጠንከሪያ ዘዴ ሆኖ ግንኙነቱን ይበልጥ እያቆራኙት ይገኛሉ።

በብሪክስ አገራት መካከል ያለው የባህል ብዝሃነት እንደ ድክመት ሳይሆን እርስ በርስ ለመተዋወቅ እንደ ትልቅ ዕድል ተወስዷል።

አገራቱ ካላቸው የታሪክ ዳራ አንጻር ጉልህ ቅራኔዎች የሌሉባቸው መሆኑ ለዚህ ዲፕሎማሲያዊ ስኬት ዋነኛ መሠረት ሆኗል።

በተለይም በሩሲያ፣ በቻይና፣ በኢራን እና በኢትዮጵያ መካከል ያለው ስልታዊ ትስስር አሁን ላይ ወደ ላቀ ደረጃ ተሸጋግሯል።

ጥምረቱ የጋራ ማንነትን ለመፍጠር በኪነ-ጥበብ፣ በትምህርትና በሕዝባዊ ግንኙነት ዘርፎች ላይ ትኩረት ሰጥቶ እየሠራ ነው።

እንደ "የብሪክስ ኔትወርክ ዩኒቨርሲቲ" ያሉ ተቋማት አዲሱ ትውልድ በሳይንስና በጋራ እሴቶች የታነፀ እንዲሆን በር ከፍተዋል።

ከፊልም ፌስቲቫሎች እስከ ስፖርት ውድድሮች ያሉት መድረኮችም ትርጉም የማይፈልገውን የጥበብ ቋንቋ በመጠቀም ሕዝቦችን እያቀራረቡ ነው።

ብሪክስ አሁን ላይ በኃይል ሳይሆን በመከባበርና በመግባባት ላይ የተመሠረተ አዲስ ዓለም አቀፍ ሥርዓት የሚቀረጽበት ልዩ "ላቦራቶሪ" ሆኗል።

ምንም እንኳ የቋንቋና የታሪክ ልዩነቶች ተግዳሮት ቢሆኑም፣ እነዚህን ልዩነቶች አቻችሎ በጋራ መሥራት የጥምረቱ ትልቁ ስኬት ነው። ይህ አዲስ ሞዴል ዓለም አቀፍ ግንኙነትን ከጥቅም ተኮርነት ወደ ዘላቂ ወዳጅነት እያሸጋገረው ይገኛል።

እናንተስ ምን ታስባላችሁ? የሕዝብ ለሕዝብ ዲፕሎማሲ ለኢትዮጵያ በብሪክስ ውስጥ ያላትን ተሰሚነት ለማሳደግ ምን ያህል ጠቃሚ ነው? ሐሳባችሁን በኮሜንት አጋሩን።