የክረምቱ ዝናብ ሲጀምር፣ ኢትዮጵያ ወደ አስደናቂ እና ለምለም አረንጓዴ ገነትነት ትለወጣለች።

ተራሮቿ በነጭ ጉም ተጀቡነው፣ ሸለቆዎቿ በለመለመ ሣር አሸብርቀው ሲታዩ የተፈጥሮን የጥበብ ጥግ በጉልህ ያሳያሉ።

ወንዞችና ጅረቶቿ ቋጥኝ እየሰነጠቁ በሀሴት ሲወርዱ፣ ምድሪቱ የሕይወት እስትንፋስን በታደሰ መንፈስ ትተነፍሳለች።

እያንዳንዱ የዝናብ ጠብታ በደረቀው መሬት ላይ የህይወት ዘርን ዘርቶ፣ አካባቢውን ማራኪ አረንጓዴ ካባ ያለብሳል።

ይህን ማራኪ የተፈጥሮ ፀጋ ይበልጥ ለማስዋብ እና ለትውልድ ለማስተላለፍ የተጀመረው የአረንጓዴ አሻራ መርሐግብር ደግሞ የኢትዮጵያን የክረምት ውበት እጥፍ ድርብ አድርጎታል።

በሚሊዮኖች የሚቆጠሩ ችግኞች በህብረት ሲተከሉ፣ እናት ምድር ደስታዋን በአዲስ ልምላሜ ትገልጻለች።

ይህ አገራዊ ተግባር ተፈጥሮን የማከም፣ የገረጣውን ተራራ የማልበስና የነገዋን ኢትዮጵያ ብሩህ ተስፋ የሚያበስር ህያው ኪዳን ነው።

እያንዳንዱ የተተከለ አረንጓዴ ችግኝ፣ የማይነጥፍ የህይወት ምንጭ እና የሀገሪቱ የነገ ጌጥ ሆኖ ያበራል።

የክረምቱ የተፈጥሮ ግርማ ሞገስ፣ ከህዝቧ የአረንጓዴ አሻራ ጥረት ጋር ተዳምሮ፣ ምድረ ቀደምቷን ሀገር በምድር ላይ ያለች ገነት ያደርጋታል።

የምድረ ቀደምቷን ሀገር መንፈስ የሚያድስ አረንጓዴ ውበት ያጣጥሙ።