የምስራቅ አፍሪካ የልማት በይነ መንግሥታት ባለሥልጣን (ኢጋድ) ዋና ጸሐፊ ወርቅነህ ገበየሁ (ዶ/ር)፣ ዐቢይ አሕመድ (ዶ/ር) የኢትዮጵያ ፌዴራላዊ ዴሞክራሲያዊ ሪፐብሊክ ጠቅላይ ሚኒስትር ሆነው በድጋሚ በመሰየማቸው የተሰማቸውን ደስታ ገልጸዋል።

ዋና ጸሐፊው በመልካም ምኞት መግለጫ መልዕክታቸው ለጠቅላይ ሚኒስትር ዐቢይ ስኬታማ የሥራ ዘመን፤ ለኢትዮጵያ ሕዝብ ደግሞ ቀጣይነት ያለው ዕድገት፣ አንድነት እና ብልፅግናን ተመኝተዋል።

ኢጋድ ከኢትዮጵያ ሕዝብ እና መንግሥት ጋር ያለውን የልማት ትብብር አጠናክሮ እንደሚቀጥል ገልጸው፤ ተቋሙ ለምስራቅ አፍሪካ ቀጣና ዘላቂ ሰላም እና የጋራ ብልፅግና ለመሥራት ያለውን ቁርጠኝነት አረጋግጠዋል።