የኢትዮጵያ ብሔራዊ መከላከያ ኮሌጅ (ENDC) እና የውጭ ጉዳይ ኢንስቲትዩት (IFA) የኢትዮጵያን ብሔራዊ ደህንነት እና የምስራቅ አፍሪካን (የአፍሪካ ቀንድ) የወደፊት ዕጣ ፈንታ የሚቀርጹ ቀጠናዊ ሁኔታዎችንና ስትራቴጂካዊ ተፎካካሪ ስጋቶችን ለመመርመር ያለመ የፖሊሲ ውይይት ማካሄድ ጀምረዋል።

በዚህ “አንድነት ወይስ ክህደት? የፀረ-ኢትዮጵያ ጥምረት ወዴት ያመራል?” በሚል ርዕስ እየተካሄደ ባለው የፖሊሲ ውይይት ላይ የኢትዮጵያ ብሔራዊ መከላከያ ኮሌጅ ኮማንዳንት ብርጋዴር ጄኔራል ጥላሁን መልዕክት አስተላልፈዋል።

ብርጋዴር ጄኔራል ጥላሁን በመልዕክታቸው ተለዋዋጭ በሆኑ የውስጥ እና የውጭ ፈተናዎች ውስጥ የኢትዮጵያን ሉዓላዊነት፣ የቦታ አንድነትና ግዛት (territorial integrity) እንዲሁም ስትራቴጂካዊ ጥቅሞችን የማስጠበቅን አስፈላጊነት አፅንኦት ሰጥተው ገልጸዋል።

በተጨማሪም የኢትዮጵያን ጂኦፖለቲካዊ እና ጂኦስትራቴጂካዊ አቋም ለማጠናከር መረጃን መሠረት ያደረጉ የፖሊሲ ውይይቶች እና የተቀናጁ ሀገራዊ ጥረቶች አስፈላጊ መሆናቸውን ኮማንዳንቱ አብራርተዋል።