ኢትዮጵያ የጥቁር ሕዝቦች የነፃነት ተምሳሌትና የጥንታዊ ሥልጣኔ ማማ ነች።
ዛሬም ኢትዮጵያ በአድዋ ድል በታየው የማይበገር ኅብረ ብሔራዊ አንድነትና በልጆቿ ጽናት ወደ ከፍታ እያመራች ትገኛለች።
የኢትዮጵያዊነት ትርጉም የሚገለጠው በልዩነት ውስጥ ባለው ውበትና በፈተና ወቅት በሚታየው የጋራ ጥንካሬ ነው።
የጠቅላይ ሚኒስትር ዐቢይ አሕመድ (ዶ/ር) መሪነት ኢትዮጵያን ወደ አዲስ የታሪክ ምዕራፍ አሸጋግሯታል። በሕዳሴው ግድብ ግንባታ የታየው ድል በጉባ ብስራቶች ታጅቦ ቀጥሏል።
ከ30 ቢሊዮን ዶላር በላይ በሚጠይቁ ግዙፍ ፕሮጀክቶች በተለይም በአፍሪካ ግዙፉን አየር ማረፊያ እውን ለማድረግ የሚደረገው ጥረት የኢኮኖሚ ነፃነትን የሚያረጋግጡ ናቸው።
ከዚህ ጎን ለጎን ፍትሐዊው የባሕር በር ጥያቄ የሉዓላዊነታችንና የትውልድ ዕጣ ፈንታ ዋነኛ አካል ሆኖ ቀርቧል።
በተለይም በቱሪዝም ዘርፍ የተመዘገቡት ድሎች የኢትዮጵያን ገጽታ ለዓለም በታላቅ ኩራት እያስተዋወቁ ነው።
በጠቅላይ ሚኒስትሩ አነሳሽነት የተገነቡት የገበታ ለሸገር፣ ገበታ ለሀገር እና ገበታ ለትውልድ ፕሮጀክቶች የኢትዮጵያን መልከ ብዙ ገጽታ እየገለጡ ይገኛሉ። የቱሪስት መዳረሻዎቹ ኢትዮጵያን የአፍሪካ የቱሪዝም ማዕከል እያደረጓት ነው።
እነዚህ ሥራዎች የኢኮኖሚ ምንጭ ከመሆናቸውም በላይ ኢትዮጵያውያን በራሳቸው አቅም የፈለጉትን መገንባት እንደሚችሉ በተግባር ያሳዩባቸው ስኬቶች ናቸው።
ከማዳበሪያ ፋብሪካ ግንባታ እስከ 1.5 ሚሊዮን የመኖሪያ ቤቶች ፕሮጀክት የሚዘልቁት እነዚህ የብልፅግና ጉዞዎች የሁላችንንም ጽናትና አንድነት ይፈልጋሉ።
በትናንት አባቶቻችን የተበሰረው አድዋ በብዙ አድዋዎች እየተደገመ ወደ ራዕያችን እያንደረደረን ነው።
የተጀመረው ጉዞ በስኬት እንዲጠናቀቅና ለቀጣዩ ትውልድ የምትመች ሀገር ለማስረከብ ዛሬም እንደ ትናንቱ በአንድነት እንቁም!
