የ2018 የትምህርት ዘመን የአንድ ቀን ጀምበር ምዝገባ በአማራ ክልል ሲጀመር በምስራቅ ጎጃም የተለያዩ ወረዳዎች ውስጥ በሚገኙ ትምህርት ቤቶች ዛሬ ተጀምሯል። 

የምስራቅ ጎጃም ዞን ነዋሪዎች በመጭው የትምህርት ዘመን ተማሪዎች ወደ ትምህርት ገበታቸው በሚመለሱበት ላይ ውይይት አካሄደዋል። 

በውይይቱ ላይ “ያለፈው የህጻናት ትምህርት ብክነት የማይጸጸት አካል ባለመኖሩ አሁን ወደ ትምህርት ገበታቸው እንዲመለሱ ድርሻችንን ልንወጣ ይገባል” ብለዋል ወላጆች።

በምስራቅ ጎጃም ዞን በስናን ወረዳ በረዕቡ ገበያ የመጀመሪያ ደረጃ ሙሉ ሳይክል ትምህርት ቤት፣ በአነደድ ወረዳ በሁለት ትምህርት ቤቶች  እንዲሁም በአማኑኤል ከተማ አስተዳድር በሚገኙ ትምህርት ቤቶች የ2018 የትምህርት ዘመን የአንድ ቀን ጀምበር የተማሪ ምዝገባ እየተካሄደ ነው። 

በምስራቅ ጎጃም ዞን በገጠር ወረዳዎችና ከተማ አስተዳደር የሚገኙ ነዋሪዎች በ2018 የትምህርት ዘመን ህፃናት ልጆቻችን ወደ ትምህርት ገበታቸው መመለስ አለባቸው ብለዋል።