Search

አዲስ አበባ ከዓለም ባንክ ጋር ያላትን ትብብር ወደ ላቀ ምዕራፍ ለማሸጋገር እንሠራለን - ከንቲባ አዳነች አቤቤ

ማክሰኞ ኅዳር 08, 2019 74

የአዲስ አበባ ከተማ አስተዳደር ከንቲባ አዳነች አቤቤ ከዓለም ባንክ ቡድን ጋር ያለውን የረጅም ጊዜ አጋርነት ይበልጥ ለማጠናከር እና ወደ ከፍተኛ ደረጃ ለማሳደግ ያለመ ፍሬያማ ውይይት ማድረጋቸውን ገለጹ።

ከንቲባዋ እስካሁን በከተማው የውኃ አቅርቦት መሠረተ ልማት ማስፋፊያ እና ማሻሻያ፣ በፍሳሽ መሰብሰቢያ እና ማጣሪያ ተቋማት ግንባታ፣ እንዲሁም በትራንስፖርት እና በሌሎች ቁልፍ የልማት ዘርፎች ከዓለም ባንክ ቡድን ለተገኘው ድጋፍ ከፍተኛ ምስጋና አቅርበዋል።

በቀጣይም ትብብሩን በማስፋት፣ አዳዲስ የጋራ ፕሮጀክቶችን በመቅረጽ እና በመተግበር ለከተማዋ ዘላቂ ልማት እና ለነዋሪዎቿ የተሻለ ኑሮ በጋራ ለመሥራት ከተስማሙበት አዎንታዊ ውይይት በኋላ፣ የሁለቱን አካላት ትብብር ወደ ላቀ ምዕራፍ ለማሸጋገር ትኩረት ተሰጥቶ እንደሚሠራ አስታውቀዋል።

አስተያየትዎን እዚህ ያስፍሩ: