የተባበሩት መንግስታት ድርጅት ዋና ፀሐፊ አንቶኒዮ ጉቴሬዝ የሻንጋይ የትብብር ድርጅት ጉባዔ 2025 ላይ ለመሳተፍ ቻይና ናቸው።

አንቶኒዮ ጉቴሬዝ ከቻይናው ፕሬዚዳንት ሺ ጂንፒንግ ጋር ዛሬ በቲያንጂን ከተማ ተወያይተዋል።  

በወቅቱም ተመድ በዓለም አቀፍ የአስተዳደር መዋቅሩ ላይ አስቸኳይ ማሻሻያ እንደሚያስፈልገው ጉቴሬዝ ገልጸዋል።

በድርጅቱ ከ80 ዓመታት በፊት የተቀመጡትን የመጀመሪያዎቹን እሴቶች ለማደስ ጊዜው አሁን መሆኑን አፅንኦት ሰጥተዋል።

ሺ ጂንፒንግ በበኩላቸው ቻይና ሁልጊዜም የተመድ አስተማማኝ አጋር ሆና እንደምትቀጥል ገልጸዋል።

ከድርጅቱ ጋር ያለውን ትብብር ለማጠናከር እና ድርጅቱ በዓለም አቀፍ ደረጃ ያለውን ሚና ለመደገፍ ፕሬዚዳንቱ ቃል ገብተዋል።

ሺ ጂንፒንግ ቻይና ከተመድ ጋር ትብብርን ለማጠናከር፣ ተቋሙ በዓለም አቀፍ ጉዳዮች ላይ ያለውን ሚና ለመደገፍ፣ ሰላምን፣ ልማትን እና ብልጽግናን በጋራ ለማምጣት ለሚከናወኑ ሥራዎች ትብብር እንደምታደርግ ተናግረዋል።

በቢታኒያ ሲሳይ

#EBC #ebcdotstream #China #UN #meeting