የዓለምገና - ቡታጅራ የመንገድ ግንባታ በ14 ቢሊየን ብር የመንግሥት በጀት እየተከናወነ ይገኛል።
132.7 ኪሎሜትር ርዝመት ያለው የመንገድ ግንባታው በአስፓልት ኮንክሪት ደረጃ ነው እየተገነባ የሚገኘው።
በሀገር በቀሉ የንኮማንድ ኮንስትራክሽን እየተከናወነ ያለው ፕሮጀክቱ ለአካባቢው በርካታ ጠቀሜታዎች እንደአሉት ተመላክቷል።
መንገዱ ሲጠናቀቅ ከዓለም ገና - አዲስ አበባ በተሽከርካሪ ለመጓጓዝ የሚፈጀውን ከ3 ሰዓት በላይ የሚወስድ ጉዞ ወደ 1 ሰዓት ከ30 ደቂቃ ዝቅ እንዲል ያደርጋል ተብሏል።
የቱሪዝም ዘርፉን ከማጠናከር በተጨማሪ የግብርና ምርቶችን ወደ ማዕከላዊ ገበያ በቀላሉ ተደራሽ ለማድረግም ፋይዳው የጎላ መንገዱ መሆኑ ነው የተጠቆመው።
የቡታጅራ ከተማ ነዋሪዎች ፕሮጀክቱ ለአካባቢው ኢኮኖሚና ማኅበራዊ እንቅስቃሴ መጠናከር ከፍተኛ ጠቀሜታ ይኖረዋል ብለዋል።
በሚያዝያ ወር 2017 ዓ.ም የተጀመረው የዓለምገና - ቡታጅራ መንገድ ግንባታ፤ በ4 ዓመታት ውስጥ ለማጠናቀቅ የጊዜ ገደብ ተይዞለታል።
በአባዲ ወይናይ
