"ኢትዮጵያ ትመርጣለች!" የሚለው ሐረግ ከመፈክር እጅግ የላቀ ትርጉም አለው። ይህ ቃል የሉዓላዊነታችን እና የጽኑ ሀገረ-መንግሥት ግንባታችን ሕያው ማሳያ ነው።

የምርጫ ካርድን በሳጥን ውስጥ መጨመር፣ ኢትዮጵያ የራሷን እጣ ፈንታ በገዛ ልጆቿ ጥበብ እና እጅ የመወሰን የማያወላውል መብቷን ለዓለም በኩራት የምታውጅበት ታሪካዊ የክብር መድረክ ነው።

ይህ ሂደት የሀገራችንን የነገ አቅጣጫ በራሳችን ውሳኔ የምንቀርጽበት የማይናወጥ የሉዓላዊነት ምሰሶ ነው።

በዚህ ውብ የዴሞክራሲ ጉዞ፣ 54 ሚሊዮን 57 ሺህ 861 ድምጻውያን ብሩህ ታሪክ ለመሥራት ተዘጋጅተዋል።

42 የፖለቲካ ፓርቲዎች፣ እንዲሁም 10 ሺህ 438 እጩዎች (80ዎቹን የግል እጩዎች ጨምሮ) የሕዝብን ድምፅ እና አደራ ለመቀበል በአደባባይ ቀርበዋል።

ይህ የነቃ እና ሰፊ ተሳትፎ ጠንካራ፣ አቃፊ እና ዴሞክራሲያዊት ኢትዮጵያን ለመገንባት ያለንን ብሔራዊ ራዕይ በሚገባ ያንጸባርቃል።

የሂደቱን ግልጽነት እና ተዓማኒነት በተግባር ለማረጋገጥ 55 የሀገር ውስጥ ሲቪል ማኅበረሰብ ታዛቢዎች፣ 59 የአፍሪካ ኅብረት እና 26 የኢጋድ አባላት በስፍራው ተገኝተዋል።

68 የሚዲያ ተቋማት (56 ሀገር በቀል እና 12 የውጭ ሚዲያዎች) ይህንን የሉዓላዊነት ድል ለዓለም ይዘግባሉ።

እያንዳንዱ የምንሰጠው ድምፅ፣ የሀገራችንን ሉዓላዊነት የሚያጸና እና የተረጋጋች ኢትዮጵያን መሠረት የሚያጠነክር ቋሚ የሕዝብ ማኅተም ነው።