የሴቶች ካፍ ሻምፒንስ ሊግ ማጣሪያ የምድብ ድልድል በግብጽ ካይሮ ይፋ ተደረገ፡፡
ኢትዮጵያን በመወከል በምስራቅ እና መካከለኛው አፍሪካ ሴካፋ ዞን በማጣሪያው የሚሳተፈው ኢትዮጵያ ንግድ ባንክ ምድብ ሁለት ላይ ተደልድሏል፡፡
የባለፈው አመት የዞኑ ሻምፒዮን ንግድ ባንክ ከቡሩንዲው ቶፕ ገርል አካዳሚ እና ከሩዋንዳው ራዮን ስፖርት ጋር ተደልድሏል፡፡
ዘጠኝ ቡድኖች በሚሳተፉበት የሴካፋ ዞን የካፍ ሻምፒዮንስ ሊግ ማጣሪያ ምድብ አንድ ላይ የኬንያው ኬንያ ፖሊስ፣ የኤርትራው ደንዲ እና የዩጋንዳው ካምፓላ ፖሊስ ተደልድለዋል፡፡
በምድብ ሶስት ደግሞ የታንዜንያው ጄኬቲ ኩይንስ፣ የደቡብ ሱዳኑ ጆይንት ስታር እና የዛንዚባሩ ጀኬዩ ፕሪንስ ተደልድለዋል፡፡
ውድድሩ ከነሃሴ 9 ጀምሮ እስከ መስከረም 6 በኬንያ ኒያዮ ስቴዲየም የሚደረግ ይሆናል፡፡
በአንተነህ ሲሳይ
