የቤኒሻንጉል ጉሙዝ ክልል ርዕሰ መስተዳድር አቶ አሻድሊ ሀሰን የ2018 የኢሬቻ በዓልን ምክንያት በማድረግ የእንኳን አደረሳችሁ መልዕክት አስተላልፈዋል።

‎የኢሬቻ በዓል የይቅርታ፣ የሠላም፣ የፍቅር እና የአብሮነት በዓል ነው ያሉት አቶ አሻድሊ፣ በዓሉ ጨለማው አልፎ ብርሃን፣ የችግር ጊዜ አልፎ ደስታ እና ተስፋ መተካቱ የሚዘከርበት መሆኑን ገልጸዋል።

‎በዓሉ ቂም፣ ጥላቻ እና መገፋፋት ጠፍቶ ወንድማማችነት እና አብሮነት የበለጠ እንዲጎለብት ከፍተኛ ሚና እየተጫወተ እንደሚገኝም ርዕሰ መስተዳድሩ ተናግረዋል።

‎የኢሬቻ በዓል ለሀገራችን ኢኮኖሚያዊ እና ማኅበራዊ ዕድገት ፋይዳው የጎላ በመሆኑ፤ የበለጠ እንዲተዋወቅ እና በአግባቡ ተጠብቆ ለትውልድ እንዲሸጋገር በጋራ መሥራት ይገባል ብለዋል።

በዓሉ የሠላም፣ የፍቅር፣ የደስታና የአብሮነት እንዲሆንም መልካም ምኞታቸውን ገልጸዋል።

#EBCdotstream #ETV #Ethiopia #Irreecha