የአማራ ክልል ርእሰ መሥተዳድር አረጋ ከበደ የደብረ ብርሃን መሶብ የአንድ ማዕከል አገልግሎትን በይፋ መርቀው ሥራ አስጀምረዋል።

የደብረ ብርሃን መሶብ የአንድ ማዕከል አገልግሎት በከተማዋ ፈጣን፣ ቀልጣፋ እና ዘመናዊ አገልግሎት ለመስጠት ታስቦ የተገነባ መሆኑ ተገልጿል። ማዕከሉ በርካታ ተቋማትን ያቀፈና በርካታ የመንግሥት አገልግሎቶችን በአንድ ጣሪያ ሥር በአንድ ጊዜ መስጠት የሚያስችል አቅም ያለው ነው።

በአማራ ክልል ዘመናዊና የተቀናጀ አሰራርን በመዘርጋት የህዝብን የእለት ተእለት ፍላጎት በብቃት ለማሟላት የሚያስችሉ መሰል «መሶብ» የአንድ ማዕከል አገልግሎት ማዕከላት በስፋት እየተገነቡ ለአገልግሎት እየበቁ እንደሚገኙ ተመላክቷል።

በዛሬው የማስጀመሪያ ሥነ ሥርዓት ላይ ከርእሰ መሥተዳድር አረጋ ከበደ በተጨማሪ ሌሎች የመንግሥት ከፍተኛ የሥራ ኀላፊዎች ተገኝተዋል።